Lyrics

As I was walking all alane
I heard twa corbies makin’ mane
And t’ane untae the t’other did say-oh
Where shall we gang and dine the day-oh
Where shall we gang and dine the day

In behind yon auld fail dyke
I wot there lies a new-slain knight
And naebody kens that he lies there-oh
But his hawk and hound and his lady fair-oh
His hawk and hound and his lady fair

His hound is tae the hunting gane
His hawk tae fetch the wild fowl hame
His lady’s taen another mate-oh
So we may make our dinner sweet-oh
We may make our dinner sweet

Ye’ll sit on his white haus-bane
And I’ll pike out his bonny blue e’en
With many a lock of his golden hair-oh
We’ll theek our nest when it grows bare-oh
We’ll theek our nest when it grows bare

Many a one for him makes mane
But naen shall ken where he has gane
O’er his white bones when they are bare-oh
The wind shall blow forever mair-oh